İsrailin Baş naziri Benyamin Netanyahu İranla davam edən müharibə fonunda diqqətçəkən açıqlama verib.
Missiya.Az xəbər verir ki, bu barədə İsrailin Baş nazirinin ofisi məlumat yayıb.
Bildirilib ki, Təl-Əvivdəki Kirya hərbi kompleksində yüksək səviyyəli təhlükəsizlik toplantısı keçirilib. Görüşdə müdafiə naziri İsrael Katz, Baş Qərargah rəisi Eyal Zamir və “Mossad”ın direktoru David Barnea iştirak edib.
Netanyahu çıxışında İranın yüksəkvəzifəli şəxslərinin öldürülməsinə səbəb olan hücumları xatırladaraq, təhlükəsizlik əməliyyatlarının davam etdiyini qeyd edib.
O, İran xalqına müraciət edərək İsrailin hava əməliyyatlarının davam etdiyini və İran rəsmilərinin əsas nöqtələrdə hədəf alındığını açıqlayıb.
Baş nazir yaxınlaşan Novruz bayramı münasibətilə insanları küçələrə çıxmağa çağırıb:
“Bayramı qeyd etməyə davam edin. Biz yuxarıdan izləyirik. Küçələrə çıxın, sizi qoruyacağıq”.
Daşqın HəsənovMissiya.Az
