Qol.az saytından alınan məlumatlara görə, ain.az xəbər verir.
İran Futbol Federasiyası FİFA-ya müraciət etdi
İran Futbol Federasiyası FİFA-ya müraciət edib. Müraciətdə 2026-cı il dünya çempionatının qrup mərhələsi oyunlarının ABŞ-dan Meksikaya keçirilməsi xahiş olunub.
QOL.az xəbər verir ki, bu barədə İranın Meksikadakı səfirliyinin X sosial şəbəkəsində yaydığı məlumatda bildirilib.
İran Futbol Federasiyasının prezidenti Mehdi Təc bildirib: “Tramp açıq şəkildə bildirdi ki, İran milli komandasının təhlükəsizliyini təmin edə bilməz. Biz ABŞ-a getməyəcəyik. FİFA ilə dünya çempionatının oyunlarının Meksikada keçirilməsi barədə danışıqlar aparırıq”.
Turnir ilk dəfə üç ölkədə – ABŞ, Kanada və Meksika (11 iyun-19 iyul tarixlərində) keçiriləcək. İlkin cədvələ əsasən, İran milli komandası bütün üç oyununu ABŞ ərazisində keçirməlidir.
Daha öncə İranın DÇ-2026-dan imtina etmək istədiyi açıqlanıb. Lakin Asiya Futbol Konfederasiyasının baş katibi Vindzor Con bazar ertəsi bildirib ki, İran hələ də dünya çempionatında iştirak etməyi planlaşdırır.
Hadisənin gedişatını izləmək üçün ain.az saytında ən son yeniliklərə baxın.
