ain.az bildirir, Demokrat.az saytına əsaslanaraq.
Yaddaş problemləri üzə çıxmazdan xeyli əvvəl yuxu sistemindəki dəyişikliklər təhlükəli xəstəliyin ilk siqnalı kimi özünü göstərə bilər. Kentukki Universitetinin tədqiqatçıları "npj Dementia" jurnalında yayımlanan araşdırmalarında yuxusuzluq ilə Altsheymer xəstəliyi arasındakı bioloji əlaqəni aşkarlayıblar.Demokrat.az-ın məlumatına görə beyindəki patoloji tau zülalı neyronların əsas enerji mənbəyi olan qlükozanın istifadəsinə təsir edir. Normal vəziyyətdə hüceyrələrin enerji balansını qoruyan qlükoza, patologiya zamanı qeyri-adi prosesə səbəb olur. Enerjinin bir hissəsi oyanıqlığı artıran qlutamat adlı neyrotransmitterin istehsalına yönəlir, eyni zamanda sakitləşdirici funksiyası olan QAMK-ın sintezi azalır. Bu balanssızlıq beyin qabığının həddindən artıq aktivləşməsinə və neyronların iş mexanizminin pozulmasına gətirib çıxarır.Elektrofizioloji ölçmələr göstərir ki, beyin ritmlərindəki uyğunsuzluq həm yavaş, həm də sürətli yuxu fazalarının müddətini ciddi şəkildə azaldır. Tədqiqatın ən maraqlı məqamı isə bu dəyişikliklərin sinir hüceyrələri hələ tam zədələnməmişdən, yəni xəstəliyin ilkin mərhələlərində baş verməsidir. Bu kəşf Altsheymerin niyə illərlə gizli qaldığını və nə üçün yuxu problemlərinin diaqnozdan çox əvvəl müşahidə edildiyini izah edir.Alimlər hesab edirlər ki, beyindəki neyrotransmitter balansını və enerji mübadiləsini tənzimləmək gələcəkdə neyrodegenerativ xəstəliklərin qarşısını almaq üçün yeni müalicə üsulu ola bilər. Beləliklə, gecələr rahat yatmaq təkcə dincəlmək üçün deyil, həm də gələcək sağlamlığımızı qorumaq üçün böyük əhəmiyyət kəsb edir.İsmayıl
Demokrat.az
Ən son xəbərləri və yenilikləri almaq üçün ain.az saytını izləyin.
