ABŞ prezidenti Donald Tramp xəbərdarlıq etdi ki, əgər Vaşinqtonun müttəfiqləri Hörmüz boğazının açılmasına kömək etməsələr, NATO-nu "çox qaranlıq" gələcək gözləyir.
Herbiand.az xəbər verir ki, bu açıqlamanı Ağ Ev rəhbəri "The Financial Times" (FT) qəzetinə verdiyi müsahibədə bildirib.
FT qeyd edir ki, Tramp bununla Avropa ölkələrini ABŞ-ın İrandakı hərbi əməliyyatlarına qoşulmağa çağırıb. "Əgər cavab olmazsa və ya cavab mənfi olarsa, düşünürəm ki, bu, NATO-nun gələcəyi üçün çox pis olacaq", - deyə Tramp bildirib.
"Biz çox mehriban olmuşuq. Ukrayna məsələsində onlara kömək etmək məcburiyyətində deyildik. Ukrayna minlərlə mil uzaqdadır... Amma biz onlara kömək etdik. İndi görəcəyik ki, onlar bizə kömək edəcəklər. Çünki mən uzun müddətdir deyirəm ki, biz onların yanında olacağıq, amma onlar bizim yanımızda olmayacaqlar. Əmin deyiləm ki, onlar orada olacaqlar", - deyə Tramp bildirib. Prezident əlavə edib ki, müttəfiqlər Avropada ABŞ-dan daha çox minaaxtaran gəmilər göndərməlidirlər.
Tramp həmçinin Avropa xüsusi təyinatlı qüvvələrinin və ya digər hərbi qüvvələrin Fars körfəzində dronlar və dəniz minaları ilə "problem" yaradan İran qüvvələrinin aradan qaldırılmasına kömək etməsini istəyir.
