Goranboyda yol-nəqliyyat hadisəsi baş verib.
APA-nın yerli bürosunun məlumatına görə, hadisə Bakı-Qazax magistralının rayon ərazisindən keçən hissəsində qeydə alınıb. Hərəkətdə olan “Opel” markalı minik maşını idarəetmədən çıxıb. Nəticədə avtomobil yol kənarındakı dəmir arakəsməyə çırpılıb. Qəza zamanı 1977-ci il təvəllüdü G.İbrahimova, 1960-cı il təvəllüdlü B.Həsənov və 2001-ci il təvəllüdlü L.Məhərrəmova xəsarət alaraq xəstəxanaya yerləşdirilib.
Onların vəziyyətlərinin kafi olduğu bildirilir.
Hadisə yerinə DYP əməkdaşları cəlb edilib.
Faktla bağlı araşdırma aparılır.
