Beynəlxalq Atom Enerjisi Agentliyinin (BAEA) baş direktoru Rafael Mariano Qrossi Yaxın Şərqdəki nüvə obyektlərində vəziyyətin "son dərəcə kövrək" olduğunu bildirib.Qrossi Moskvada Rusiyanın dövlət nüvə enerjisi korporasiyası Rosatom-un baş direktoru Aleksey Lixaçevlə birlikdə jurnalistlərin suallarını cavablandırıb.
Yaxın Şərqdəki nüvə obyektlərindəki vəziyyətlə bağlı suala cavab olaraq Qrossi dedi: "Düşünürəm ki, vəziyyət çox həssasdır. Nüvə amilinin əhəmiyyətli olduğu yeni bir münaqişənin başladığını görürük."

Sülh və müharibə arasında gedən "incə xətt"ə işarə edən Qrossi dedi: "Hazırda müharibə gedir və ümid edirik ki, mümkün qədər tez başa çatacaq. Sonra danışıqlara qayıdacağıq və bu, zəruridir."

Zaporijjya Atom Elektrik Stansiyasındakı vəziyyətdən danışan Lixaçev dedi: "Müəyyən şərtlər daxilində, o cümlədən Ukraynaya elektrik enerjisi təchizatı barədə danışa bilərik."

Stans yüksək səviyyədə enerji istehsal etdiyini qeyd edən Lixaçev dedi: "Bu enerjidən yalnız ənənəvi marşrutlar üçün deyil, həm də, məsələn, məlumat emalı mərkəzlərinin sürətli quraşdırılması üçün istifadə edə bilərik. Burada yalnız sərhəddə olanlar deyil, yeni tərəfdaşlarımız ola bilər."

Lixaçev ABŞ-ın da bu tərəfdaşlar arasında ola biləcəyini irəli sürdü.

İrandakı hadisələrdən danışan Lixaçev deyib: "İranın nüvə silahı hazırladığına dair heç bir dəlil görməmişik. Bizdə nə rəsmi, nə də intuitiv şəkildə belə bir dəlil yoxdur".

aia.az
Tərcümə şöbəsi

• Vəziyyət
• Maqate
• Nüvə Obyektləri
• Qrossi