2026-cı il martın 11-də Avropa Komissiyasının sədri Antonio Koşta-nın Azərbaycana rəsmi səfəri çərçivəsində Azərbaycan Respublikasının Prezidenti cənab Ilham Aliyev ilə görüşü baş tutmuşdur. Görüşdən sonra keçirilən birgə bəyanat zamanı Prezident İlham Əliyev Azərbaycan ilə Avropa İttifaqı arasında əməkdaşlığın inkişaf perspektivləri, regional təhlükəsizlik məsələləri və enerji sahəsində tərəfdaşlığın əhəmiyyəti barədə fikirlərini bölüşmüşdür.
Cənab Prezident çıxışı zamanı qeyd etmişdir ki, Azərbaycan ilə Avropa İttifaqı arasında münasibətlər son illərdə dinamik şəkildə inkişaf edir və qarşılıqlı hörmət, etimad və bərabər tərəfdaşlıq prinsiplərinə əsaslanır. O, vurğulamışdır ki, Azərbaycan Avropanın enerji təhlükəsizliyinin təmin olunmasında mühüm rol oynayan ölkələrdən biridir. Xüsusilə, təbii qazın Avropa bazarına nəqlində Azərbaycanın strateji əhəmiyyəti artmaqdadır. Bu baxımdan enerji sahəsində həyata keçirilən layihələr Avropa ilə Azərbaycan arasında əməkdaşlığın mühüm istiqamətlərindən biri hesab olunur.
Dövlət başçısı həmçinin vurğulamışdır ki, Azərbaycan regionda sülh və sabitliyin təmin olunması istiqamətində ardıcıl siyasət həyata keçirir. Cənab İlham Əliyev bildirmişdir ki, regionda uzunmüddətli sülhün təmin edilməsi üçün beynəlxalq hüququn prinsiplərinə hörmət göstərilməsi vacibdir. O qeyd etmişdir ki, Azərbaycan qonşu ölkələrlə münasibətlərin normallaşdırılması və yeni əməkdaşlıq imkanlarının yaradılması istiqamətində konstruktiv mövqe nümayiş etdirir.
Bəyanat zamanı Avropa İttifaqı ilə Azərbaycan arasında iqtisadi, nəqliyyat və enerji sahələrində əməkdaşlığın genişləndirilməsinin əhəmiyyəti də vurğulanmışdır. Prezident İlham Əliyev qeyd etmişdir ki, Azərbaycan Avropa ilə Asiyanı birləşdirən mühüm nəqliyyat və logistika mərkəzlərindən birinə çevrilməkdədir. Bu baxımdan Orta Dəhliz kimi tanınan beynəlxalq nəqliyyat marşrutunun inkişafı Avropa ilə region ölkələri arasında ticarət və iqtisadi əlaqələrin genişlənməsinə mühüm töhfə verir.
Görüş zamanı tərəflər həmçinin enerji təhlükəsizliyi, yaşıl enerji layihələri, iqtisadi əməkdaşlıq və regional sabitlik kimi məsələlər ətrafında fikir mübadiləsi aparmışlar. Möhtərəm Prezident vurğulamışdır ki, Azərbaycan bərpa olunan enerji sahəsində də Avropa İttifaqı ilə əməkdaşlığı genişləndirməyə hazırdır. Bu istiqamətdə günəş və külək enerjisi layihələrinin həyata keçirilməsi Azərbaycanın enerji strategiyasının vacib tərkib hissəsinə çevrilmişdir.
Sonda cənab Prezident bildirmişdir ki, Azərbaycan ilə Avropa İttifaqı arasında qarşılıqlı faydalı əməkdaşlıq gələcəkdə daha da inkişaf edəcək və bu münasibətlər həm regionun sabitliyinə, həm də iqtisadi tərəqqisinə mühüm töhfə verəcəkdir. Antonio Koştanın Azərbaycana səfəri isə tərəflər arasında siyasi dialoqun və strateji tərəfdaşlığın daha da möhkəmlənməsinə xidmət edən mühüm hadisə kimi qiymətləndirilmişdir.
Nazim Bünyatov
YAP Ağcabədi rayon təşkilatının Sədr müavini
