ain.az bildirir, Demokrat.az saytına əsaslanaraq.
Milli Məclisin bugünkü plenar iclasında Nazirlər Kabinetinin ötən ildəki fəaliyyəti barədə hesabat verən Əli Əsədov təhlükəsizlik məsələlərinə toxunub. O, parlamentin tribunasından ölkənin quru sərhədləri ilə bağlı mövcud vəziyyətə aydınlıq gətirib. Baş nazir bildirib ki, regionda müşahidə edilən gərginlik və mürəkkəb siyasi proseslər fonunda dövlət başçısının yürütdüyü kurs ölkənin suverenliyini qorumağa xidmət edir.Demokrat.az-ın məlumatına görə o, çıxışında yaxın günlərdə baş verən konkret hadisəni xatırladaraq qeyd edib ki, məlum olduğu kimi, ötən həftə İran ərazisindən Azərbaycanın Naxçıvan Muxtar Respublikasının ərazisində pilotsuz uçuş aparatlarının istifadəsi ilə bağlı hadisə baş verib. "Baş verən bu xoşagəlməz hadisə fonunda Azərbaycan cəmiyyəti və beynəlxalq ictimaiyyət bir daha əmin oldu ki, Prezident İlham Əliyev xalqının təhlükəsizliyini qoruyan və hər zaman öz xalqının arxasında duran güclü liderdir".Hökumət başçısının sözlərinə görə, bölgədə baş verən son hadisələr quru sərhədlərinin niyə hələ də açılmadığına dair suallara ən yaxşı cavabdır. Əli Əsədov vurğulayıb ki, bu gün regionda cərəyan edən mürəkkəb geosiyasi proseslər, artan gərginlik və risklər fonunda cənab Prezidentin ardıcıl və praqmatik xarici siyasət kursu, uzaqgörən strateji baxışı və milli maraqlara əsaslanan prinsipial mövqeyi nəticəsində Azərbaycan Respublikasının suverenliyi və sərhədlərinin toxunulmazlığı etibarlı şəkildə təmin olunmaqdadır.Sonda əlavə olunub ki, quru sərhədlərinin bağlı saxlanılması qərarı məhz mövcud riskləri önləmək məqsədi daşıyır. Baş nazirin fikrincə, son dövrdə regionda cərəyan edən hadisələr Azərbaycanın quru sərhədlərinin bağlı saxlanılması qərarının nə qədər əsaslı və zəruri olduğunu göstərir, eyni zamanda cənab Prezidentin uzaqgörən və müdrik dövlətçilik siyasətinin növbəti təsdiqidir.Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
