Yaponiya Baş naziri Sanae Takaiçi 19 martda Prezident Donald Trampla görüşməyi planlaşdırdığı ABŞ-a səfəri zamanı Tokionun Vaşinqton tərəfindən təşviq edilən "Qızıl Günbəz" raketdən müdafiə arxitekturasında iştirakını elan edə bilər.
Ucnoqta.az xəbər verir ki, bu barədə hökumət mənbələrinə istinadən "Yomiuri" qəzeti məlumat yayıb.
Nəşr qeyd edir ki, ABŞ-nin materik hissəsini qorumaq üçün kosmik tutucu qurğular planlaşdırılır və Yaponiya da öz milli təhlükəsizliyini təmin etmək üçün bu birgə sistemdən istifadə etmək niyyətindədir. Təşəbbüs 2029-cu ilin yanvar ayına qədər fəaliyyətə başlayacaq.
