İranın paytaxtında təhlükəsizlik tədbirləri gücləndirilib və mərkəzi küçələrdə hərbi qüvvələrin hərəkəti qeydə alınıb.
Musavat.com xəbər verir ki, sosial şəbəkələrdə yayılan görüntülərdə Tehran şəhərinin mərkəzi hissələrində hərbi texnika və silahlı qüvvələrin yerləşdirildiyi görünür. Kadrlarda təhlükəsizlik qüvvələrinin əsas küçə və meydanlarda mövqe tutduğu diqqət çəkir.
Məlumatlara görə, paytaxtda təhlükəsizlik tədbirlərinin gücləndirilməsi ölkədə son aylarda davam edən siyasi gərginlik və etirazlar fonunda həyata keçirilir.
Musavat.com
