Avropanın cənubunda yay ayları dözülməz dərəcədə isti olduğundan, turistlər yay tətili üçün getdikcə daha çox sərinləyə biləcəkləri yerlər axtarırlar.
Bu arada, uzaq Qrenlandiyanın paytaxtı – 20 min nəfərdən az əhalisi olan Nuuk şəhəri 2026-cı ildə sərin istirahət üçün dünyanın ən yaxşı yeri seçilib. Oxuməni.az xəbər verir ki, bu barədə turizm və əyləncə jurnalı "Time Out" yazır.
Tədqiqat "Inghams Walking" veb-saytı tərəfindən aparılıb. Onlar "sərin iqlimdə istirahət" mövzusunda axtarış sorğularının sayının kəskin artmasından – 2024-cü ilin əvvəlindən 3500% artmasından ilhamlanıblar.
Nəticədə, portalın komandası yay istisindən qaçmaq üçün planetin ən yaxşı yerlərini müəyyən etmək üçün sərin iqlimi olan 200-dən çox istiqaməti təhlil edib.
Reytinqdə Nuuk lider olub, burada son bir ildə axtarış sorğularının sayı 48,39% artıb. Bu uzaq və gözəl ada bölgəsi, 2025-ci ildə öz hava limanının açılması sayəsində əlçatanlığın əhəmiyyətli dərəcədə artması səbəbindən maraq obyektinə çevrilib.
Qeyd edək ki, ABŞ prezidenti Donald Trampın Qrenlandiya adasını Danimarkadan almaqla bağlı son təhdidləri turistləri qorxutmayıb.
2026-cı ilin yayında sərin istirahət üçün dünyanın 10 ən yaxşı yeri:
Nuuk, Qrenlandiya.
Le Kontamin-Monjua, Fransa.
Beara yarımadası, İrlandiya.
Yotunheymen Milli Parkı, Norveç.
Tasiilaq, Qrenlandiya.
Voss, Norveç.
Bohinj gölü, Sloveniya.
Lex, Avstriya.
Dolomit Alp dağları, İtaliya.
Arinsal, Andorra.
Almaz Həsənli
