ain.az, Qafqazinfo portalına istinadən məlumatı açıqlayır.
“ABŞ və İsrail müqəddəs Ramazan ayında İrana hücum etməklə bütün İslam dünyasına nifaq salmağa çalışdı”.
“Qafqazinfo” Rusiya mətbuatına istinadən xəbər verir ki, bu fikirləri Çeçenistan lideri Ramzan Kadırov ABŞ və İsrailin İrana hücumunun başlanmasından 11 gün sonra bu mövzuda ilk dəfə danışarkən səsləndirib.
O, Vaşinqton və Təl-Əvivi İranı üçüncü ölkələri münaqişəyə cəlb edən cavab addımları atmağa təhrik etməkdə günahlandırıb.
Kadırov ABŞ bazalarına cavab zərbələrini hərbi taktika baxımından gözlənilən müqavimət adlandırsa da, üçüncü ölkələrin mülki infrastruktur obyektlərinə hücumlara və dinc əhalinin həlak olmasına heç bir şəkildə haqq qazandırıla bilməyəcəyini qeyd edib.
“Bu cür səhvlər yolverilməzdir, lakin baş verdi. Yaxın Şərq sakinləri, o cümlədən Bəhreyn Krallığının və Birləşmiş Ərəb Əmirliklərinin (BƏƏ) vətəndaşları zərər çəkdi”, - o bildirib.
Çeçenistan lideri, həmçinin BƏƏ Prezidenti Şeyx Məhəmməd bin Zayed Al Nəhyana dəstək ifadə edib. O, mülki obyektlərə zərbələrdən və dinc əhali arasında itkilər olduqdan sonra BƏƏ-nin öz vətəndaşlarını qorumağa və ciddi tədbirlər görməyə məcbur olduğunu vurğulayıb.
Kadırov əlavə edib ki, ilin əvvəlində ona Səudiyyə Ərəbistanı, Qətər, Bəhreyn və bir sıra digər ölkələrin səfirləri ilə geniş görüş keçirmək təklif olunub. Lakin həmin görüşdə BƏƏ səfiri iştirak etmədiyi üçün o, formatın genişləndirilməsini və bu ölkənin nümayəndəsinin də iştirakını tələb edib. Nəticədə, görüş təxirə salınıb.
Kadırov ölkələr arasında dialoq qabiliyyətinin qorunmasının vacibliyini vurğulayıb.
Hadisənin gedişatını izləmək üçün ain.az saytında ən son yeniliklərə baxın.
