Moldova hökuməti ölkənin MDB-dən çıxmasını təsdiqləyib.
Azpost.info bildirir ki, Moldova hökuməti Müstəqil Dövlətlər Birliyinin (MDB) yaradılması haqqında müqaviləni ləğv edən qətnamələri təsdiqləyib. Bu, ölkənin MDB-dən çıxması istiqamətində atılan son addımdır.
MDB-dən çıxmaq üçün üzv ölkə icra komitəsinə bildiriş təqdim etməlidir. Bütün müqavilələr ləğv olunarsa, əməkdaşlıq 12 ay ərzində dayandırılacaq.
Kişinyov 1990-cı illərin əvvəllərində imzalanmış üç əsas müqavilədən çıxır: 22 yanvar 1993-cü ildə Minskdə imzalanmış MDB Nizamnaməsi, 8 dekabr 1991-ci il tarixli MDB təsis müqaviləsi və 22 dekabr 1991-ci il tarixli protokol.
Yekun qərar parlament tərəfindən təsdiqlənir və sonra imzalanması üçün Moldova prezidenti Maia Sanduya göndərilir.
Formal olaraq, Moldova bir neçə ildir ki, – 2023-cü ildən bəri MDB-də iştirak etmir.
