Ayna saytından alınan məlumata görə, ain.az bildirir.
Ararat Mirzoyan Parisdə Tomas DiNanno ilə görüşüb
Ermənistan xarici işlər naziri Ararat Mirzoyan Parisdə ABŞ dövlət katibinin silahlara nəzarət və beynəlxalq təhlükəsizlik üzrə köməkçisi Tomas DiNanno ilə görüşüb. AYNA.AZ erməni mediasına istinadən bildirir ki, tərəflər nüvə enerjisinin dinc məqsədlərlə istifadəsi üzrə əməkdaşlıq müqaviləsi imzalamağa hazır olduqlarını vurğulayıblar.
Ermənistan Xarici İşlər Nazirliyindən (XİN) verilən məlumata görə, görüşdə müxtəlif sahələrdə Ermənistan-Amerika strateji tərəfdaşlığının dərinləşdirilməsi müzakirə olunub.
"Ararat Mirzoyan və Tomas DiNanno Ermənistan və ABŞ hökumətləri arasında nüvə enerjisinin dinc məqsədlərlə istifadəsi üzrə əməkdaşlıq müqaviləsi üzrə danışıqların başa çatmasını məmnuniyyətlə qeyd ediblər və müqaviləni müvafiq formatda imzalamağa və bu sahədə əməkdaşlığı davam etdirməyə hazır olduqlarını vurğulayıblar", - deyə XİN-dən bildirilib.
Tərəflər həmçinin regional infrastruktur layihələrini müzakirə ediblər və qarşılıqlı maraq doğuran digər məsələlər barədə fikir mübadiləsi aparıblar.
Sonrakı hadisələr barədə daha çox məlumat almaq üçün ain.az saytını izləyin.
