Rusiyanın Kazan şəhərində martın 10-da 118 il əvvəl qeydə alınmış temperatur rekordu yenilənib. Bu barədə RIA Novosti agentliyinə Tatarıstanın Hidrometeorologiya və Ətraf Mühitin Monitorinqi İdarəsinin meteoroloji proqnozlar şöbəsinin rəhbəri Irina Truşina məlumat verib.
Onun sözlərinə görə, həmin gün şəhərdə minimal hava temperaturu -30,5°C təşkil edib.
Bununla da əvvəlki rekord yenilənib. Martın 10-u üçün əvvəlki temperatur rekordu 1908-ci ildə qeydə alınmış və -27,3°C olmuşdu.
Meteoroloqun bildirdiyinə görə, ötən gecə Tatarıstan Respublikası ərazisində temperatur -23…-29°C arasında dəyişib. Bəzi rayonlarda isə hava temperaturu -30…-34°C-yə qədər enib.
İrina Truşina rekord dərəcədə soyuq mart havasını atmosferdə baş verən xüsusi proseslər və hava kütlələrinin dövranı ilə əlaqələndirib.
Sinoptiklərin proqnozuna görə, şaxtalı günlərdən sonra bölgəyə yenidən isti hava qayıdacaq. Artıq cümə axşamı gündüz temperaturun +4°C, cümə günü isə +1…+6°C olacağı gözlənilir.
Bundan əvvəl Kazanda binaların damlarının qardan təmizlənməsi xidmətlərinin qiyməti də kəskin artıb. 2026-cı ildə sənaye alpinistləri bir kvadratmetr damın təmizlənməsi üçün 50 rubl tələb edirdilərsə, bu ilin fevralında qiymətlər 130–150 rubla qədər yüksəlib.
