Olke.az saytından verilən məlumata əsasən, ain.az məlumatı açıqlayır.
Son dövrlərdə gənclərə yönəlik sosial media məhdudiyyətləri gündəmdə qalarkən, bu qadağanı tətbiq etməyə başlayan Avstraliyada VPN tətbiqlərinin yüklənməsi rekord səviyyəyə çatıb.
Ölkə.az xəbər verir ki, Avstraliya bu gündən etibarən internetdə geniş yaş məhdudiyyətlərini tətbiq etməyə başlayıb. Ölkə ötən ilin dekabrında gənclərin sosial mediadan istifadəsini ölkə üzrə qadağan edən ilk ölkə kimi tarixə düşmüşdü. Beynəlxalq mediada yayılan məlumatlara görə, qadağanın qüvvəyə minməsi ilə birlikdə “virtual şəxsi şəbəkə” kimi tanınan VPN tətbiqlərinin yüklənməsi kəskin artıb.
Eyni zamanda ölkədə süni intellekt dəstəkli çatbot xidmətlərinin pornoqrafiya, həddindən artıq zorakılıq, özünə zərər və qida pozuntuları kimi məzmunları azyaşlılardan uzaq tutmasını nəzərdə tutan qanun da tətbiq olunmağa başlayıb. Bu qaydaları pozan şirkətlərə 34,5 milyon dollara qədər cərimə tətbiq oluna bilər.
Bundan başqa, Birləşmiş Krallıq, Fransa və ABŞ-ın bir çox ştatlarında olduğu kimi, pornoqrafik məzmun yayımlayan saytların istifadəçilərin 18 yaşdan yuxarı olduğunu təsdiqləməsi tələbi də qüvvəyə minib. Tətbiq mağazalarına isə +18 işarəli proqramların yüklənməsindən əvvəl yaş yoxlaması aparmaq öhdəliyi qoyulub.
Ölkənin e-Təhlükəsizlik Komissarı Julie Inman Grant bildirib ki, bu tədbirlər uşaqlara internet mühitində də real həyatda olduğu kimi qorunma təmin etməyi hədəfləyir.
Onun sözlərinə görə, bu gün bir uşaq bara daxil olub içki sifariş edə, striptiz klubuna girə, böyüklər üçün nəzərdə tutulan mağazada dolaşa və ya kazinoda qumar oynaya bilməz. Bu qaydalar uşaqlar üçün tətbiq etdiyimiz qoruma tədbirlərinin rəqəmsal mühitə də daşınması deməkdir.
"Apple" tərəfindən yayımlanan siyahıya görə, ölkədə ən çox yüklənən 15 tətbiqdən 3-ü VPN proqramı olub. Digər tərəfdən, dünyanın ən böyük böyüklər üçün məzmun şəbəkələrindən biri olan "Aylo" Avstraliya istifadəçilərinin platformalarına girişinin məhdudlaşdırıldığını açıqlayıb.
Həmidə İbrahimova
Daha ətraflı məlumat və yeniliklər üçün ain.az saytını izləyin.
