NHL hücumçusu Troya Myurrey uzun müddət xərçənglə mübarizə apardıqdan sonra 63 yaşında vəfat edib.
Publika.az xəbər verir ki, bu barədə NHL-in mətbuat xidməti məlumat yayıb.
Myurrey ilk 10 NHL mövsümünü (ümumilikdə 12 mövsüm) “Çikaqo”da keçirib. 1985-86 mövsümü karyerasının ən yaxşı mövsümü olub. O, 80 oyunda qol (45), məhsuldar ötürmə (54) və xal (99) ilə NHL mövsümünün şəxsi rekordlarını qırıb. Həmin mövsüm o, ən yaxşı müdafiə hücumçusuna verilən mükafat olan “Selke Trophy”ni qazanıb.
1995-96-cı illərdə NHL-də son mövsümündə Myurrey, “Kolorado”nun Stenli Kubokunu qazanmasına kömək edib.
