Naxçıvan Muxtar Respublikası Ali Məhkəməsinin hakimi Vera Gennadiyevna Kuimova vəfat edib.
"Cebheinfo.az" E-hüquq.az-a istinadən xəbər verir ki, 1962-ci il təvəllüdlü hakim qəfil ürək çatışmalığı nəticəsində yaşadığı mənzildə dünyasını dəyişib.
Qeyd edək ki, Vera Gennadiyevna Kuimova 1987-ci ildə Azərbaycan Dövlət Universitetinin Hüquq fakültəsini bitirib.
1979-1982-ci illərdə Naxçıvan Muxtar Respublikası "Sovetskaya Naxçıvan" qəzetində müxtəlif vəzifələrdə çalışıb. 1987-1988-ci illərdə vəkil stajor, 1988-2000-ci illərdə vəkil işləyib.
O, 2000-ci ildə Naxçıvan Muxtar Respublikası Ali Məhkəməsinin hakimi vəzifəsinə təyin olunub.
07 mart 2008-ci il tarixdə Naxçıvan MR Ali Məclisi Sədrinin Fərmanı ilə "Əməkdar hüquqşünas" fəxri adı, Azərbaycan Respublikası Prezidentinin 01 mart 2016-cı il tarixli Sərəncamı ilə "Tərəqqi" medalı ilə təltif olunub.
"Cebheinfo.az"
