ABŞ Hörmüz boğazında gəmiləri müşayiət etməyə hazırlaşır – əvvəl İranın imkanları zəiflədiləcək » AzadMedia.az

ABŞ Hörmüz boğazında gəmiləri müşayiət etməyə hazırlaşır – əvvəl İranın imkanları zəiflədiləcək

ABŞ İranın regiondakı hərbi imkanlarını zəiflətmədən əvvəl Hörmüz boğazında gəmilərin müşayiətinə başlamayacaq. Bu barədə ABŞ-ın Energetika naziri Chris Wright Fox News telekanalına müsahibəsində bildirib.

Nazirin sözlərinə görə, Vaşinqtonun hazırkı əsas məqsədi İranın Yaxın Şərq ölkələrinə və regiondakı Amerika qüvvələrinə zərbə endirmək imkanlarını ciddi şəkildə azaltmaqdır.

“Əvvəlcə İranın problem yaratmaq qabiliyyətini əhəmiyyətli dərəcədə zəiflətməliyik. Bu baş verdikdən sonra Hörmüz boğazında gəmiləri müşayiət etməyə başlayacağıq və enerji daşımaları yenidən bərpa olunacaq”, – deyə Wright qeyd edib.
O əlavə edib ki, hazırda ABŞ-ın bütün hərbi imkanları İranın regionda “qonşular və amerikalılar arasında xaos yaratmaq” potensialını məhdudlaşdırmağa yönəldilib.

Məlumata görə, bölgədə davam edən hərbi qarşıdurma və Hörmüz boğazının bağlanması səbəbindən Körfəz ölkələri hazırda yanacaq ixrac etməkdə çətinlik çəkir. ABŞ isə enerji tədarükünün bərpası üçün boğazda təhlükəsiz nəqliyyatın təmin olunmasını planlaşdırır.