Ermənistanın Baş naziri Nikol Paşinyanın Gürcüstana işgüzar səfəri başlayıb.
APA-nın yerli bürosu xəbər verir ki, onu Tbilisi Beynəlxalq Hava Limanında Gürcüstanın xarici işlər naziri Maka Boçorişvili qarşılayıb.
Paşinyan ikigünlük səfər çərçivəsində gürcü həmkarı İrakli Kobaxidze ilə görüşəcək və Gürcüstan-Ermənistan Hökumətlərarası İqtisadi Əməkdaşlıq Komissiyasının iclasında iştirak edəcək.
***
10:54
Ermənistanın Baş naziri Nikol Paşinyan 3-4 mart tarixlərində Gürcüstanda işgüzar səfərdə olacaq.
APA-nın yerli bürosu xəbər verir ki, bu barədə Gürcüstan hökumətinin administrasiyasından bildirilib.
Paşinyan və Gürcüstanın Baş naziri İrakli Kobaxidze arasında təkbətək görüş olacaq. Daha sonra onların sədrliyi ilə Gürcüstan-Ermənistan Hökumətlərarası İqtisadi Əməkdaşlıq Komissiyasının iclası keçiriləcək.
