Fransa Prezidenti Emmanuel Makron ABŞ-İsrail və İran arasındakı müharibə fonunda nüvə gücü ilə bağlı mesaj vermək üçün etdiyi uçuşla gündəmə gəlib.
“Yeni Sabah” xəbər verir ki, Mont Saint-Mişel Körfəzi üzərində Dassault Falkon təyyarəsi ilə etdiyi uçuşda onu 4 Rafale qırıcı təyyarəsinin müşayiət etməsi diqqəti cəlb edib.
Mont Saint-Michel Körfəzi üzərində uçan Dassault Falcon və Rafale təyyarələrinin görüntülərini şərh edən ekspertlər bildirirlər ki, bu nümayiş Fransanın nüvə gücünü simvolik şəkildə göstərmək məqsədi daşıyır.
Makron açıqlayıb ki, yeni strateji plan çərçivəsində Fransa nüvə arsenalını artıracaq və ilk dəfə olaraq nüvə silahlı təyyarələrini müttəfiq ölkələrə müvəqqəti yerləşdirməyə icazə verəcək.
Makron çıxışı zamanı deyib: “Azad olmaq üçün qorxulmaq lazımdır”.
Bu açıqlama, Avropa liderlərinin ABŞ Prezidenti Donald Trump ilə təkrarlanan gərginliklər və Rusiyanın Ukrayna işğalı ilə bağlı narahatlıqları fonunda verilib. Fransa, İngiltərənin 2020-ci ildə Avropa Birliyindən çıxmasından sonra AB-də yeganə nüvə gücü olaraq qalır.
Telegram kanalımız
