Demokrat.az portalından əldə olunan məlumata əsasən, ain.az xəbər verir.
Evlərdə ən çox rast gəlinən problemlərdən biri mətbəx və hamam kranlarında yaranan ərp qatıdır. Su ilə davamlı təmas nəticəsində yaranan bu ağ ləkələr kranların görünüşünü korlayır və onları köhnə göstərir. Çox vaxt bu çöküntüləri təmizləmək üçün bahalı kimyəvi vasitələrə ehtiyac duyulsa da əslində mətbəxdəki sadə məhsullarla daha təsirli nəticə almaq mümkündür.Demokrat.az xəbər verir ki, kranları parıldatmaq üçün sadəcə limon kifayət edir. Limonun tərkibindəki təbii turşular sudan qalan mineral qalıqlarını qısa müddətdə parçalayır. Bu üsulu tətbiq etmək üçün dörd-beş ədəd limonu dilimləyib qaba yığmaq lazımdır. Üzərinə yarım litr su əlavə etdikdən sonra qarışığı blenderdən keçirmək lazımdır. Süzülmüş mayeni kranın əhəngli hissələrinə bezlə bol şəkildə çəkib bir gecə saxlamaq məsləhətdir.Səhər saatlarında kranın səthini sabunla yüngülcə sürtmək və nəm süngər vasitəsilə durulamaq kifayətdir. Sonda quru bezlə silinən kranlar ilk günkü kimi parıldamağa başlayır. Kimyəvi təmizləyicilərdən qaçanlar üçün bu üsul həm sərfəli həm də təhlükəsiz variant sayılır. Vaxtaşırı tətbiq olunan bu prosedur kranların ömrünü uzadır və əhəng qatının dərinləşməsinin qarşısını alır.Aytən
Demokrat.az
Daha ətraflı məlumat və yeniliklər üçün ain.az saytını izləyin.
