BAKI, 2 mart. TELEQRAF
"Həmidlə iki gündür ki, danışa bilmirik".
Bunu Teleqraf-a Azərbaycan Yazıçılar Birliyinin Güney Azərbaycan Komissiyasının sədr müavini, yazıçı Həmid Herisçinin həyat yoldaşı, jurnalist İlhamiyyə Rza deyib:
"İranda rabitə yoxdur, əlaqə kəsilib. Həmid Təbrizdədir, orada nisbi sakitlikdir. O, təxminən on gün olar ki, İrana gedib. Həmid tez-tez oraya gedir. Azərbaycan Yazıçılar Birliyinin Güney Azərbaycan Komissiyasının sədr müavini olduğu üçün Təbrizə səfəri yaradıcılıqla bağlıdır. Yazıçılarla görüşmək və layihələr həyata keçirmək niyyətindədir. Həmid əslən təbrizlidir və güman edirəm ki, qohum-əqrəbasının yanındadır".
