ABŞ Prezidenti Donald Tramp İranın ali rəhbəri Ayətullah Əli Xameneinin öldüyünü açıqlayıb.
Senzor.az bildirir ki, Tramp bu barədə özünün "Truth Social" hesabında paylaşım edib.
O, Xameneini tarixin ən şər adamlarından biri adlandıraraq, onun ölümünü İran xalqı, amerikalılar, Xamenei və tərəfdarları tərəfindən öldürülmüş və ya şikəst edilmiş digər ölkələrin vətəndaşları üçün ədalət kimi qiymətləndirib.
ABŞ Prezidenti bildirib ki, Xamenei ABŞ kəşfiyyatının və yüksək texnologiyalı izləmə sistemlərinin nəzarətindən yayına bilməyib. Tramp əlavə edib ki, əməliyyatlar İsraillə sıx əməkdaşlıq şəraitində həyata keçirilib və Xamenei ilə birlikdə digər liderlər də öldürülüb.
Onun sözlərinə görə, bu hadisə İran xalqı üçün ölkəni geri qaytarmaq baxımından ən böyük şansdır. Tramp iddia edib ki, İran İnqilab Keşikçiləri Korpusu (SEPAH), ordu və digər təhlükəsizlik qüvvələrinin bir hissəsi artıq döyüşmək istəmir və ABŞ-dan toxunulmazlıq istəyir.
“Dünən gecə dediyim kimi, indi onlar toxunulmazlıq ala bilərlər, sonra isə yalnız ölüm əldə edəcəklər”, - deyə Tramp qeyd edib.
ABŞ Prezidenti həmçinin bildirib ki, SEPAH və polis qüvvələrinin İran vətənpərvərləri ilə birləşərək ölkəni əvvəlki “böyüklüyünə” qaytarması ümid edilir. O vurğulayıb ki, Xameneinin ölümü ilə yanaşı, ölkə cəmi bir gün ərzində ciddi şəkildə dağıdılıb.
Tramp əlavə edib ki, ağır və dəqiq bombardmanlar Yaxın Şərqdə və dünyada sülhə nail olunana qədər həftəboyu və ya zəruri olduğu müddətdə fasiləsiz davam edəcək.
