BAKI, 28 fevral. TELEQRAF
ABŞ administrasiyası hərbçilərin posttravmatik stress pozuntusu (PTSP) və depressiyadan psixodelik preparatlarla müalicəsinə icazə verilməsi imkanını araşdırır.
Teleqraf xəbər verir ki, bu barədə ABŞ-nin səhiyyə və sosial xidmətlər naziri Robert Kennedi amerikalı komediyaçı və aparıcı Co Roqanın podkastında danışıb.
Nazir bildirib ki, bir çox tədqiqatlar psixodelik maddələrin PTSP və bəzi depressiya formalarına qarşı effektiv ola biləcəyini göstərir. Onun sözlərinə görə, rəhbərlik etdiyi qurum bu istiqamətdə araşdırmaların aparılması və xüsusilə hərbçilər üçün müalicəyə çıxışın təmin edilməsi məqsədilə müvafiq icazələrin alınmasında maraqlıdır.
Robert Kennedi kiçik əlavə edib ki, hazırda bu proses üzərində iş aparılır.
