BAKI, 27 fevral. TELEQRAF
Astanda Qazaxıstan Prezidenti Kasım-Jomart Tokayevlə birgə mətbuat konfransında Serbiya Prezidenti Aleksandr Vuçiç həmkarından ölkəsinin xüsusi təyinatlı qüvvələrinin təliminə kömək etməsini istəyib.
Teleqraf xəbər verir ki, o, Qazaxıstan Silahlı Qüvvələrinin yüksək hazırlıq səviyyəsinə diqqət çəkib.
“Bir sahədə də köməyinizi, bizə təlim keçməyinizi xahiş etmək istərdim. Bu, sizin xüsusi təyinatlı bölmələrinizin fəaliyyəti ilə bağlıdır”, - Vuçiç bildirib.
Serbiya lideri qeyd edib ki, xüsusi təyinatlı bölmələrin BƏƏ-də keçirilən beynəlxalq yarışını izləyib və Qazaxıstan qüvvələrinin möhtəşəm nəticələr göstərdiyini deyib: “Bir neçə prezidentdən biri kimi bütün dünyanın xüsusi təyinatlı bölmələrinin BƏƏ-də keçirilən yarışını diqqətlə izlədim, heyranlıq və əminliklə söyləyirəm ki, Qazaxıstan dünyanın ən yaxşısıdır”.
Vuçiçin sözlərinə görə, Serbiya Qazaxıstan bölmələrinin hazırlıq səviyyəsi barədə məlumatlı olmalı və Belqraddakı qurumlar onların təcrübəsindən istifadə edə bilməlidir:
“Təhlükəsizliyin təmin edilməsində göstərdiyiniz möhtəşəm nəticələri təbrik edirəm. Sizin uğurlarınız istisnadır. Sizin sülh və yaxşı münasibətlər siyasətiniz aparılması çətin olan siyasətdir. Biz sizə baxırıq və çox şey öyrənirik”.
