Arteta: “Qarşıda hələ uzun yolumuz var”

“Arsenal”ın baş məşqçisi Mikel Arteta “topçular”ın cari mövsümün İngiltərə çempionuluğu uğrunda mübarizəsi haqda sualı cavablayıb.

Arena.az ispan mütəxəssisin müvafiq cavabını təqdim edir:

“Oyundan oyuna gedirik. Qarşıda hələ uzun yolumuz var. Axı bizi hələ kukok oyunları, UEFA Çempionlar Liqasının matçları gözləyir”, deyə Arteta vurğulayıb.

Xatırladaq ki, “Arsenal” İngiltərə Premyer Liqasının cari mövsümündə uğurlu çıxışı ilə diqqət mərkəzindədir. “Topçular” keçirdikləri 28 oyunda 18 qələbə qazanıblar, 7 heç-heçə ediblər, 3 məğlubiyyətə üzülüblər. Artetanın komandası hazırda 61 xalla zirvədə qərarlaşıb və əsas izləyicisi “Mançester Siti”ni 5 xal qabaqlayır.

London klubu İngiltərə Federasiya Kubokunun 1/8 finalında “Mansfild”lə (7 mart), İngiltərə Liqa Kubokunun finalında isə “Mançester Siti” ilə (22 mart) qarşılaşacaq.