Belçika ehtiyat hərbi xidməti üçün yaş həddini 51-dən 67-yə qaldırmaq qərarına gəlib.
Hafta.az yazır ki, Flamanddilli xəbər agentliyi olan HLN-in məlumatına görə, qərar Belçika Parlamentinin Müdafiə Komitəsi tərəfindən qəbul edilib və bununla da ehtiyat hərbi qulluqçuları üçün maksimum yaş həddi 67 olaraq müəyyən olunub.
Bu qərar yaş həddini 2030-cu ildə qüvvəyə minəcək qanuni təqaüd yaşı ilə uyğunlaşdırır. Mövcud qanunvericiliyə əsasən, könüllü ehtiyat əsgərlərin yaşı 34-dən, ehtiyat zabit namizədlərinin yaşı isə 51-dən yuxarı olmamalıdır. Rəsmilər mövcud yaş hədlərinin sistemə yeni namizədlərin daxil olmasını məhdudlaşdırdığını və qaydanın məqsədinin namizədlər hovuzunu genişləndirmək olduğunu bildiriblər.
Belçikanın müdafiə naziri Teo Franken qaydanı alqışlayaraq bildirib: "Mövcud təhlükəsizlik mühitində güclü və yerləşdirilə bilən ehtiyat qüvvəsi lüks deyil, zərurətdir. Ehtiyat əsgərləri həm ölkə ərazisinin qorunmasında, həm də aktiv xidmətdə olan şəxsi heyətin dəstəklənməsində mühüm rol oynayırlar". Franken vurğulayıb ki, bu qayda motivasiyalı və bacarıqlı şəxslərin təhlükəsizliyə daha uzun müddət töhfə verməsinə imkan yaradacaq. Nazir Franken əvvəllər 149 min 17 yaşlı gəncə məktub göndərərək onları könüllü olaraq hərbi xidmətə dəvət etmişdi.
