BAKI, 26 fevral. TELEQRAF
"Bu gün sülh prosesi barədə danışırıq. Tarixi ədaləti, hüquqlarımızı bərpa edərkən Azərbaycan dövləti, Ali baş komandan cənab İlham Əliyevin rəhbərliyi ilə qəhrəman Azərbaycan ordusu nə qədər qətiyyətli addımlar atırdısa, bütün dünya gördü ki, sülh prosesində də tam liderlik, bütün təşəbbüslər yenə də Azərbaycan dövləti tərəfindən edilib".
Teleqraf xəbər verir ki, bu sözləri jurnalistlərə açıqlamasında xarici işlər naziri Ceyhun Bayramov deyib.
"Bu gün bu istiqamətdə ciddi addımlar atılır, böyük nəticələr göz önündədir. Ancaq eyni zamanda tariximizi unuda bilmərik. Ona görə, bugün olan proses çox önəmlidir. Həmişə olduğu kimi Azərbaycan xalqı şəhidlərimizi yad edir", - deyə qeyd edib.
