“Zəka İşığında” Milli Dəyərlərin Təbliğinə Dəstək İctimai Birliyinin sədri Cəmilə Çiçək Qırğızıstan Respublikasının nüfuzlu qurumları tərəfindən yüksək mükafatlarla təltif olunub.
QHT.az xəbər verir ki, o, Qırğızıstanın “Qırğız Akın–Yazıçıları” İctimai Fondu tərəfindən Təşəkkürnamə ilə, həmçinin Qırğız Respublikasının Təhsil Nazirliyinin nəzdində fəaliyyət göstərən Elm, Təhsil və Mədəniyyət Akademiyasının qərarı ilə “Çingiz Aytmatov – Qızıl Qələm” döş nişanı ilə təltif edilib. Cəmilə Çiçək göstərilən diqqətə görə Qırğızıstanın müvafiq qurumlarına minnətdarlığını bildirib və Azərbaycan–Qırğızıstan mədəni əlaqələrinin daha da möhkəmlənəcəyini vurğulayıb.
