Kamilo Duran ÇL-nin tarixinə düşdü

Çempionlar Liqasının pley-off mərhələsində "Nyukasl"la cavab görüşü "Qarabağ"ın futbolçusu Kamilo Duran üçün əlamətdar olub.

"Football-plus.az" xəbər verir ki, bu haqda Beynəlxalq Futbol Tarixi və Statistikaları Federasiyasının (IFFHS) rəsmi saytı məlumat yayıb.

24 yaşlı hücumçu matçda fərqlənib və cari mövsüm turnirdəki qollarının sayını 5-ə çatdırıb. Bununla da Duran Çempionlar Liqasında 1 mövsümə 5 qol vurmağı bacaran 2-ci kolumbiyalı futbolçu olub.

Daha əvvəl bu nəticəni "Monako"nun sabiq oyunçusu Radamel Falkao 2016/17 mövsümündə göstərib.

Duran ötən ilin yayından "Qarabağ"ın formasını geyir.