ÇL: “Bodo Qlimt” “İnter”i 1/8 finala buraxmadı – ARENA.AZ

Bu gün futbol üzrə UEFA Çempionlar Liqasında (ÇL) 2025/2026 mövsümünün pley-off mərhələsinin cavab oyunlarına start verilib.

Arena.az xəbər verir ki, ilk oyun günündə 4 qarşılaşma baş tutub.

Azərbaycan çempionu “Qarabağ” səfərdə İngiltərə təmsilçisi “Nyukasl”ın qonağı olub. Cavab görüşündə də uduzan Ağdam klubu ÇL-lə vidalaşıb.

“Atletiko” Madriddə “Brügge”ni qəbul edib. Bu komandalar arasındakı ilk görüş heç-heçə başa çatmışdı. Amma cavab görüşündə darmadağına sevinmiş İspaniya təmsilçisi 1/8 finala yüksəlib.

“Bayer” səfərdə məğlub etdiyi “Olimpiakos”la doğma meydanda heç-heçə etsə də, bu, Almaniya təmsilçisinin mərhələ adlamasına mane olmayıb. İtaliya nəhəngi “İnter” isə evdə “Bodo Qlimt”ə məğlub olaraq Çempionlar Liqasında mübarizəsinə xitam verib.

Qeyd edək ki, ÇL-in pley-off mərhələsinin qalan cavab görüşləri sabah baş tutacaq.

UEFA Çempionlar Liqası
Pley-off mərhələsinin cavab oyunları
24 fevral

Atletiko (İspaniya) – Brügge (Belçika) 4:1
Qollar: Sörlot, 23; 76; 87. Kardozo, 48 – Ordones, 36.
İlk oyun – 3:3

Bayer (Almaniya) – Olimpiakos (Yunanıstan) 0:0
İlk oyun – 2:0

İnter (İtaliya) – Bodo Qlimt (Norveç) 1:2
Qollar: Bastoni, 76 – Hauqe, 58. Evyen, 72.
İlk oyun – 1:3

Nyukasl (İngiltərə) – Qarabağ (Azərbaycan) 3:2
Qollar: Sandro Tonali, 4. Joelinton, 6. Sven Botman, 52 – Kamilo Duran, 51. Elvin Cəfərquliyev, 57.
İlk oyun – 6:1