"Real"ın hücumçusu Kilian Mbappe Çempionlar Liqasının pley-off mərhələsinin "Benfika"ya qarşı cavab matçında (25 fevral) komandasına kömək edə bilməyəcək.
QOL.az xəbər verir ki, bu haqda AS məlumat yayıb.
28y yaşlı forvard sol diz zədəsi səbəbindən oyunu buraxmalı olacaq. Bildirilib ki, fransalı hücumçunun La Liqanın 26-cı turunda "Xetafe" ilə oyunu (2 mart) da buraxmaq riski var.
Lakin "Real" Mbappenin 27-ci turda "Selta" ilə oyuna (7 mart) qədər sağalacağına əmindir.
Bu mövsüm Mbappe bütün yarışlarda 33 oyunda meydana çıxıb, 38 qol vurub və 6 məhsuldar ötürmə edib. Onun klubla hazırkı müqaviləsi 2029-cu ilin yayına qədərdir.
