Dünən Respublikaçı senator Lindsi Qrem İsrailin “Channel 14” telekanalına müsahibəsində İranla bağlı sərt açıqlama verib.
Vətəninfo.az xəbər verir ki, Qrem bildirib ki, İranın ABŞ-nin hərbi bazalarını vurmaq potensialı var, ancaq buna baxmayaraq, risk götürməyə dəyər:
“Əgər əllərində Amerikanın qanı olan və bütün terror şəbəkəsini idarə edən ən böyük dövlət terror sponsorunu, yəni İranı, məhv edə bilsəniz və bununla bütün şəbəkə çöksə, bu riskə dəyər”.
Senator, habelə, vurğulayıb ki, bu riski götürəcək əsgərlərə gəlincə, onlar ilk olaraq sizə deyəcəklər: “Gəlin bunu edək”.
