ain.az, Oxu.az saytından verilən məlumata əsaslanaraq xəbər yayır.
Ramazan ayının gəlişi ilə İspaniya La Liqası və İngiltərə Premyer Liqasında çıxış edən müsəlman futbolçular üçün xüsusi bir "zehni dözümlülük" dövrü start götürüb.
Oxu.Az "Haber Global"a istinadən xəbər verir ki, 17 fevraldan 19 marta qədər davam edəcək bu ay futbol meydanlarında fərqli bir nizam yaradır.
Arda Güler, Lamin Yamal və Antonio Rüdiger kimi tanınmış idmançılar ağır məşq proqramları fonunda oruc tutmaq üçün hansı metodlara müraciət edirlər?
Dünyanın aparıcı futbolçuları sübh azanından axşam azanına qədər qida və su qəbul etmədən 90 dəqiqəlik yüksək tempi necə saxlaya bilirlər?
Lamin Yamalın maye balansını qoruyan formulu
"Barselona"nın gənc istedadı Lamin Yamal İspaniya millisində tətbiq etdiyi rejimi ilk dəfə açıqlayıb:
Yamal səhər saat 4-də oyanaraq imsak (sahur) edir və ardından istirahətə çəkilir.
O, gün ərzində su itkisini kompensasiya etmək üçün xüsusi elektrolit həblərindən yararlanır. Gənc ulduz bədən tarazlığını necə saxladığını belə izah edir:
"Ən vacib məsələ su qəbuludur, aclıq hiss etmirəm".
Arda Güler və Rüdigerin "Real Madrid"dəki "iradə silahı"
"Real Madrid" düşərgəsində Arda Güler, Rüdiger və Brahim Diaz oruc tutan futbolçular sırasındadırlar. Müdafiəçi Antonio Rüdiger bu prosesi tamamilə "zehni nəzarət" kimi xarakterizə edir:
"Mən nə yeyirəm, nə də içirəm. Bu, asan deyil, lakin zehninizi idarə etsəniz, uğur qazana bilərsiniz. Bu mənim ən böyük silahımdır".
Əzələ itkisinin qarşısını almaq üçün Madrid komandası Antonio Pintusun ağır məşq proqramını mütəxəssislərin hazırladığı xüsusi pəhrizlərlə balanslaşdırır.
İngiltərədə yenilik: Premyer Liqada "iftar fasiləsi"
İngiltərə çempionatı müsəlman oyunçular üçün ən əlverişli mühitlərdən biridir. Məhəmməd Salah, Vilyam Saliba və Amad Diallo kimi futbolçular üçün matçlar qısa müddətə dayandırılır.
2021-ci ildən bəri hakimlər və kapitanlar arasındakı razılaşmaya əsasən, oyunçular gün batdıqda meydan kənarında iftarlarını aça bilirlər.
Nəhəng klubların izlədiyi üç qızıl qayda
"Barselona" və "Real Madrid" kimi klubların diyetoloqları oruc tutan idmançılar üçün aşağıdakı üç məqama xüsusi diqqət yetirirlər:
Gün batdıqdan sonra ağır yeməklər əvəzinə, yuxu rejiminə mane olmayan balanslı qidalara üstünlük verilir. Məşq və oyun günlərində həyati əhəmiyyət daşıyan maye qəbulu imsak və iftar arasında bölüşdürülür. Hər bir futbolçunun əzələ strukturuna uyğun fərdi proqramlar tətbiq olunur.
Sonrakı hadisələr barədə daha çox məlumat almaq üçün ain.az saytını izləyin.
