Uşaq musiqi, incəsənət və rəssamlıq məktəblərində çalışanlar attestasiya yolu ilə deyil, xüsusi qaydalarla sertifikasiyadan keçəcəklər.
Ölkə.az xəbər verir ki, bununla bağlı Əmək Məcəlləsinə və “Təhsil haqqında” qanununa müvafiq dəyişiklik nəzərdə tutulur.
Məsələ Milli Məclisin Əmək və sosial siyasət komitəsinin bu gün keçirilən iclasında müzakirə çıxarılıb.
Qanuna dəyişikliklə bağlı məlumat verən Parlament Aparatının Sosial qanunvericilik şöbəsinin müdiri Adil Vəliyev bildirib ki, qanun layihəsi Mədəniyyət Nazirliyinin sisteminə daxil olan uşaq musiqi, incəsənət və rəssamlıq məktəblərində çalışan təhsilverənlərin bilik və bacarıqlarının attestasiya yolu ilə deyil, xüsusi qaydalar üzrə sertifikasiya yolu ilə qiymətləndirilməsinin aparılmasını nəzərdə tutur. Layihənin qiymətləndirmə prosesinin obyektivliyini, şəffaflığını və hüquqi əsaslarını gücləndirmək, müasir qiymətləndirmə metodlarının tətbiqini təmin etmək və əmək mübahisələri riskini azaltmaq məqsədilə hazırlandığı bildirilib.
Müzakirələrin yekunu olaraq qanuna dəyişiklik parlamentin plenar iclasında müzakirə çıxarılması tövsiyyə olunub.
Mürtəza.
