Aİ xarici işlər nazirləri bu gün Rusiyaya qarşı 20-ci sanksiya paketini müzakirə edəcəklər, lakin bu məsələdə irəliləyiş gözlənilmir.
"Yeni Sabah" xəbər verir ki, bunu Aİ xarici işlər üzrə ali nümayəndəsi Kaya Kallas bildirib.
"Əlbəttə ki, 20-ci sanksiya paketi ilə bağlı müzakirə aparacağıq, amma bu gün bu məsələdə hər hansı bir irəliləyiş olacağını düşünmürəm. Amma səylərimizi mütləq davam etdirəcəyik", - Aİ Şurasının iclasından əvvəl Kallas bildirib.
Onun sözlərinə görə, nazirlər həmçinin Aİ-nin Ukrayna münaqişəsinin həlli kontekstində Rusiya ilə nələri müzakirə etməli olduğunu da müzakirə edəcəklər. Digər bir mövzu Aİ-nin Ukraynaya 90 milyard avroluq krediti olacaq.
Fevralın 6-da Avropa Komissiyası (AK) Rusiyaya qarşı Aİ-nin 20-ci sanksiya paketini təqdim edib. Bu paket enerji, maliyyə xidmətləri və ticarət sahələrini əhatə edir. AK-nın qanunvericilik təklifi artıq AB Şurası tərəfindən təsdiqlənməlidir və bu, Aİ-nin 27 üzv dövlətinin yekdil səsini tələb edir.
Aİ-nin daimi nümayəndələri sanksiyalar paketi ilə bağlı razılığa gəlmək üçün bir neçə görüş keçiriblər. Bu iş qismən Macarıstan və Slovakiyanın mövqeyinə görə indiyə qədər heç bir nəticə verməyib.
Telegram kanalımız
