Bu gün Misli Premyer Liqasında XXI tura yekun vurulub.
Fanat.Az xəbər verir ki, "Kəpəz" səfərdə "Sabah"ın qonağı olub. Meydan sahibləri minimal hesablı qələbəyə seviniblər.
Matçdan sonra keçirilən mətbuat konfransında qonaqların baş məşqçisi Azər Bağırov fikirlərini jurnalistlərlə bölüşüb:
"Futbolçularıma təşəkkür etmək istəyirəm. Yaxşı mübarizə apardılar. Qələbə qazana bilmədik amma soyunub-geyinmə otağında hər birinə sağ ol dedim. Soyuq havada yanımızda olduqlarına görə azarkeşlərimizə də təşəkkürümü bildirmək istəyirəm".
