ain.az, GlobalInfo portalına istinadən məlumatı açıqlayır.
İran universitetlərində keçirilən nümayişlər hökumətyönlü tələbələrlə onların əleyhdarları arasında toqquşmalara çevrilib.
Globalinfo.az xəbər verir ki, bu barədə “Jamaran” məlumat yayıb. Qeyd olunub ki, etiraz aksiyaları “Tehran University”, “Sharif University of Technology”, “Shahid Beheshti University”, “Iran University of Science and Technology” və digər ali təhsil müəssisələrində keçirilib.
Bildirilir ki, “Bəsic” tələbə milis üzvləri İran bayraqları ilə çıxış edərək yanvar hadisələrində həlak olanların xatirəsinə, mövcud hökumətə və Ali Rəhbərə dəstək şüarları səsləndiriblər. Eyni zamanda, bir qrup tələbə hökumət əleyhinə və monarxiya tərəfdarı şüarlar irəli sürüb.
“Mehr News Agency”nin məlumatına görə, Şərif Texnologiya Universitetində qarşıdurma zamanı etirazçıların hökumətyönlü tələbələrə daş və bıçaq atdığı iddia olunur. Hadisə nəticəsində iki tələbənin yaralandığı və xəstəxanaya yerləşdirildiyi bildirilir.
Sosial şəbəkələrdə isə Tehran və Məşhəddə də etiraz aksiyalarının keçirildiyi barədə məlumatlar yayılıb. Nümayişlərin yeni tədris semestrinin başlanması və son etirazlarda həlak olanların 40-cı anım günü ilə eyni vaxta təsadüf etdiyi qeyd olunur.
Tahir Turan
Globalinfo.az
Daha ətraflı məlumat və yeniliklər üçün ain.az saytını izləyin.
