Portuqaliyalı hücumçu Rafael Leuu Zlatan İbrahimoviçlə münasibətlərindən danışıb.
Fanat.Az xəbər verir ki, ulduz forvardın hələ oyunçu olduğu illərdən bəri tanıdığı Zlatanla bağlı dediklərini "Pianetamilan.it" saytı belə təqdim edib:
"O, çox tələbkardır və uduzmağı sevmir. Yadımdadır, bir vaxtlar gənclər komandasının bəzi oyunçuları ilə oynamış və onlara uduzmuşuq. Bundan sonra Zlatan onların artıq məşqlərimizə gəlməmələrini tələb etdi. Amma mən həmişə bu təzyiqi müsbət hal hesab edirdim. Bu gün Zlatanla çox tez-tez ünsiyyət qururuq. O, mənə kömək edir. Ondan soruşmaqdan çəkinmirəm, çünki bilirəm ki, o, mənim üçün nə lazımdırsa, onu edəcək".
"Milan" hazırda A Seriyasında ikinci yerdədir.
