ain.az, Demokrat.az portalına istinadən məlumat yayır.
Mətbəxdə vaxta qənaət etmək üçün tez-tez müraciət edilən folqa kağızı əslində bəzi qidaların həm dadını, həm də teksturasını korlayır. Bir çoxları folqanı "xilaskar" hesab etsə də, mütəxəssislər xüsusilə kartof, turş tərəvəzlər və kəskin ədviyyatlı yeməklər üçün bu üsulun əleyhinədir. Belə hallarda folqa yeməyi qorumaq yerinə, onun keyfiyyətini aşağı salan əsas amilə çevrilir.Demokrat.az xəbər verir ki, kartof folqada bişdikdə gözlənilən xırtıldayan qabıq əvəzinə çox vaxt suyun içində boğulmuş və pörtmüş bir hala gəlir. Folqanın daxilində nəm buxarlana bilmədiyi üçün tərəvəz öz şirəsində bişir və nəticədə dadı itir, mərkəzi isə yarıçiy qala bilir. Kartofu açıq şəkildə, yağ çəkərək sobada bişirmək daha yaxşı nəticə verir. Beləliklə, artıq nəm buxarlanır və qabıq bərabər şəkildə qızarır.Pomidor və sitrus meyvələri kimi turşuluğu yüksək olan məhsullarda isə problem tamamilə fərqlidir. Turş mühit folqadakı alüminiumun qidaya keçməsinə şərait yaradır ki, bu da yeməyə xoşagəlməz metal dadı verir. Eyni qayda sirkəli marinadlara da aiddir. Bu cür qidalar üçün şüşə və ya keramika qablardan istifadə etmək həm dad, həm də sağlamlıq baxımından daha təhlükəsizdir.Kələm də tərkibindəki yüksək su miqdarına görə folqada formasını itirərək dadsız bir kütləyə çevrilir. Həmçinin duz və kəskin ədviyyatların folqa ilə birbaşa təması metalın təsirini artırır, nəticədə yeməyin dadı acılaşır. Ədviyyatlı və duzlu xörəkləri açıq qablarda bişirmək, ətri qorumaq üçün isə ədviyyatın bir hissəsini bişdikdən sonra əlavə etmək tövsiyə olunur.Aytən
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
