"Sumqayıt"ın baş məşqçisi Misli Premyer Liqasının XXI turunda "Qəbələ" ilə matçda qazandıqları 1 xalı qənaətbəxş saymır.
"Far.Az" xəbər verir ki, bunu baş məşqçi özü sözügedən qarşılaşmadan sonra mətbuat konfransında bildirib.
Mütəxəssis qolsuz başa çatan qarşılaşmanı şərh edib:
"Qarşılaşmanın ilk 20 dəqiqəsini yaxşı oynadıq. İkinci hissədə də oyunumuzu düzəltməyə çalışdıq. Lakin bir sıra səhvlərə yol verdik. Epizodlarımız olsa da, yararlana bilmədik. 1 xal qazansaq da, bunu qənaətbəxş saymıram".
