"Azərbaycan çoxsaylı informasiya təzyiqi halları ilə üzləşib. Ölkəmizdə keçirilən böyük beynəlxalq tədbirlərdən əvvəl və ya tədbirlər zamanı bunun müntəzəm olaraq baş verməsi pis bir ənənəyə çevrilib".
BAKU.WS xəbər verir ki, bu barədə "Caliber"in süjetində məlumat verilib.
"Avroviziya" mahnı müsabiqəsi, Avropa Oyunları, siyasi və iqtisadi sammitlər - məhz bu tədbirlər zamanı müəyyən xarici mərkəzlər və təşkilatların Bakıya təzyiq göstərmək cəhdlərini gücləndirirlər. Azərbaycana təzyiq COP29 iqlim konfransı zamanı pik həddə çatıb, ölkəmizin düşmənləri ev sahibinin imicini ləkələmək üçün bir-biri ilə rəqabət aparıblar. Lakin bütün bu səylər uğursuz olub. Hər şeyə baxmayaraq, Azərbaycan həm regionda, həm də qlobal siyasi səhnədə güclənməyə davam edir. Və bu, rəsmi Bakıya qarşı intriqa qurmağa davam edənlərə xoş gəlmir.
Bu, xüsusilə də Azərbaycanın ərazi bütövlüyünü bərpa etməsi faktını qəbul edə bilməyənləri qıcıqlandırır. Nəticədə müəyyən anti-Azərbaycan dairələrində səs-küy yaratmaq və diqqəti yayındırmaq üçün hazırlanmış digər hekayələrə və rəvayətlərə tələbat kəskin şəkildə artıb. Onlar bununla qələbəmizi arxa plana keçirməyə çalışırlar. Azərbaycanın bu nəticəni necə əldə etdiyini müzakirə etmək əvəzinə, xırda, emosional və həmişə həqiqətdən uzaq mövzular ortaya atılır. Bunun üçün sınanmış vasitələrdən istifadə olunur: "təqib olunan" jurnalistlər və yenə də dırnaqarası qurbanları. Bunlar illərdir adları hesabatdan-hesabata, qətnamədən-qətnaməyə, yayımdan-yayıma yayılan eyni insanlardır. Bunlar diqqətlə seçilmiş və müntəzəm olaraq "yemlənən" insanlardır.
Bu gün biz sənədlərə və faktlara əsaslanaraq Emin Hüseynovu nümunə kimi istifadə edərək bu mexanizmin və onun bir çox çarxlarının necə işlədiyini danışmaq istəyirik", - deyə "Caliber"in materialında bildirilib.
