Avtosfer saytından verilən məlumata əsasən, ain.az məlumatı açıqlayır.
Texnologiyanın sürətli inkişafı ilə avtomobil sənayesində də innovativ sistemlər geniş tətbiq olunur. Müasir nəqliyyat vasitələrində quraşdırılan ağıllı proqramlar və sensor texnologiyaları həm sürücülərin, həm də piyadaların təhlükəsizliyini artırmağa xidmət edir. Lakin bəzən ən yeni avtomobillərdə belə texniki xətalar müşahidə oluna bilir.
Avtosfer.az xəbər verir ki, belə hallardan biri Azərbaycanda qeydə alınıb. “Tesla” markalı avtomobildə hərəkət zamanı maraqlı görüntü ortaya çıxıb. Belə ki, avtomobilin monitorunda yolda olan heyvan sistem tərəfindən insan kimi tanınıb və ekranda bu formada əks olunub.
Hadisə sürücünün diqqətini çəkib. O, görüntüləri sosial şəbəkədə paylaşaraq “Tesla heyvanı da adam kimi göstərir” sözləri ilə təəccübünü ifadə edib.
Mütəxəssislər bildirirlər ki, “Tesla”nın vizuallaşdırma sistemi kamera və süni intellekt alqoritmləri vasitəsilə obyektləri tanıyır. Lakin bəzən işıqlandırma, məsafə və obyektin hərəkət trayektoriyası kimi amillər səbəbindən sistem yanlış identifikasiya edə bilər.
Qeyd edək ki, bu cür halların qarşısını almaq üçün istehsalçılar proqram təminatını mütəmadi olaraq yeniləyir və süni intellekt modellərini daha da təkmilləşdirirlər.
Eltac
Oxunub 168
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
