Madridin “Real” klubunun hücumçusu Kilian Mbappe Çempionlar Liqasının “Benfika” ilə pley-off matçının dayandırılmasına səbəb olan qalmaqalın təfərrüatlarını açıqlayıb.
Oxuməni.az xəbər verir ki, çərşənbə axşamı “Real” Lissabonda “Benfika”nı 1:0 hesabı ilə məğlub edib. Qələbə qolunu Vinisius vurub. Bundan sonra matç 9 dəqiqə dayandırılıb, çünki qolun müəllifi baş hakim Fransua Leteksiyə irqçi təhqirlərdən şikayət edib. Fasilədən sonra oyun bərpa olunub.
— Vinini qoldan sonra və qələbəni qeyd edərkən “Benfika”nın 25 nömrəli futbolçusu — adını çəkməyəcəm, çünki buna layiq deyil — yolverilməz sözlər işlətməyə başladı. O, Vinini beş dəfə meymun adlandırdı! Beş dəfə! Bilirəm ki, o hələ gəncdir, amma bu məsələ diqqətsiz qalmamalıdır. Bu oğlan Çempionlar Liqasında yenidən oynamağa layiq deyil. Bu gün futbol dəyərləri itirilib, — Mbappenin sözlərini “Madrid Universal” sitat gətirir.
“Benfika”da 25 nömrəli forma 20 yaşlı Canluka Prestianniyə məxsusdur. “Marca”-nın məlumatına görə, Mbappe matç ərzində bir neçə dəfə Prestianniyə irqçi adını deyərək qışqırıb.
Cavab oyunu 25 fevralda Madriddə keçiriləcək.
Almaz Həsənli
