Son illər təbii üsullarla gənc və sağlam görünüş əldə etmək istəyənlərin maraq göstərdiyi üsullardan biri də üz yoqasıdır.
Pravda.az bildirir ki, üz və boyun nahiyəsində yerləşən əzələlər üçün nəzərdə tutulan xüsusi hərəkətlər dərinin daha gərgin və canlı görünməsinə kömək edə bilər.
Üz yoqası qan dövranını sürətləndirərək dərinin oksigenlə daha yaxşı təmin olunmasına şərait yaradır. Müntəzəm tətbiq edildikdə mimik qırışların görünüşünü azaltmağa, dəri sallanmasının qarşısını qismən almağa və üz konturlarını daha aydın göstərməyə dəstək ola bilər. Bundan əlavə, bu məşqlər stressin azalmasına və üz əzələlərinin rahatlamasına da kömək edir.
Mütəxəssislər üz yoqasına başlamazdan əvvəl dərinin və əllərin təmiz olmasını, məşqlər zamanı isə düzgün nəfəs texnikasından istifadə edilməsini tövsiyə edirlər. Ən çox tətbiq olunan hərəkətlər sırasında qaşların yuxarı qaldırılması, yanaq əzələlərinin işlədilməsi və çənə xəttini möhkəmləndirən məşqlər yer alır.
Qeyd: Nəticə əldə etmək üçün məşqlər müntəzəm şəkildə icra olunmalıdır. İlk dəyişikliklər bir neçə həftə sonra hiss oluna bilər. Bununla belə, üz yoqasının estetik prosedurları tam əvəz etmədiyi, daha çox gündəlik dəriyə qulluq rutininin bir hissəsi kimi dəyərləndirildiyi vurğulanır.
Əminə Bayramova
