Türkiyədə müxtəlif ixtisaslar üzrə dövlət və özəl universitetlərə qəbul azaldılacaq.
"Ölkə.az" xəbər verir ki, bunu Türkiyə Ali Təhsil Şurasının (YÖK) rəhbəri Erol Özvar açıqlayıb.
Onun sözlərinə görə xüsusilə, hüquqşünaslıq, stomatologiya, əczaçılıq və memarlıq kimi ixtisaslara qəbulda ixtisar aparılacaq. Hüquqşünaslıq ixtisası üzrə özəl universitetlərə abituriyent qəbulu isə 45 faiz azaldılacaq.
O, ölkənin ən çox ehtiyac duyduğu sahələrdə mütəxəssislərin hazırlanması məsələsinə diqqət yetirdiklərini vurğulayıb.
