ain.az xəbər verir, Bizimyol saytına əsaslanaraq.
Fevral ayında Hindistanın IT (İnformasiya Texnologiyaları) şirkətlərinin səhmləri son on ayın ən böyük enişini yaşaıb və təxminən 50 milyard dollar itirib. Bu enişin səbəbi, keçən ay "Anthropic" adlı yeni süni intellekt alətinin istifadəyə verilməsi olub.
Bizimyol.info xəbər verir ki, bu, texnologiya sektorunda qlobal düzəlişə səbəb olub və Hindistanın 283 milyard dollarlıq IT xidmətləri sənayesinin gələcəyi ilə bağlı narahatlıqları artırıb.
Bir həftə ərzində "Nifty" IT indeksi 8.2% düşüb ki, bu, 2025-ci ilin aprelindən bəri ən sərt eniş olub. Bugün isə indeks 5.2% azalıb, lakin daha sonra itkiləri azaldaraq 1.44% enişlə bağlı bağlanıb. Sektorun aparıcı şirkətləri arasında "Tata Consultancy Services" səhmləri 2.1%, "Infosys"in səhmləri 1.2%, "HCLTech"in səhmləri isə 1.4% düşüb.
"JP Morgan" analitikləri, hindistanlı IT şirkətlərinin gələcəkdə böyümə planlarını reallaşdırmaqda çətinlik çəkə biləcəyinə dair investor narahatlıqlarına diqqət çəkiblər, çünki müştərilər büdcələrini süni intellektə yönəldə bilərlər. Bank, süni intellektin IT şirkətlərinin korporativ proqram təminatının müxtəlif mərhələlərində yaratdıqları dəyəri tamamilə əvəz edə bilməyəcəyini vurğulayıb.
"IT xidmətləri şirkətləri texnologiya dünyasının "sanitarları" olaraq qalır. Hətta korporativ proqram təminatı və ya "SaaS" xüsusi tapşırıqlar üçün süni intellekt tərəfindən yenidən yazılsa da, onların korporativ mühitdə işləməsi və səhvlərin azaldılması üçün ciddi xidmət infrastrukturu tələb olunur", – deyə ekspertlər bildirirlər.
"Henderson Far East Income" mütəxəssisləri isə IT şirkətlərinin bazara süni intellekti təhlükə deyil, imkan olaraq necə təqdim etməli olduqlarını düzgün izah etmədiyini qeyd ediblər. "Centrum Broking" şirkətinin analitikləri isə bazarda gün ərzində baş verən bərpa prosesini səhmlərin ucuzlaşması zamanı alımların artması və şirkətlərin cazibədar qiymətləndirilməsi ilə izah ediblər. "İnvestorlar süni intellekt alətlərinin yaratdığı təhdidə çox güclü reaksiya veriblər. IT şirkətləri hələ də tələb olunur, yalnız işçi sayı daha kiçikdir", – deyə ekspertlər bildiriblər.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
