Misli Premyer Liqasında 20-ci turunoyunları keçirilir.
Fanat.Az xəbər verir ki, bu gün daha 2 qarşılaşma baş tutub.
Günün son matçı “Araz-Naxçıvan”la “Sumqayıt” arasında keçirilib. Meydan sahiblərinə 1 qol bəs edib.
Birincilərin baş məşqçisi Andrey Demçenko mətbuat konfransında jurnalistlərin suallarını cavablandırıb:
"Bu gün yaxşı oynadıq və vacib qələbə qazandıq. Çox istəkli idik, futbolçuların gözündə alov var idi, sona qədər mübarizə apardılar. Belə oyunlarda qələbə qazanmaq çox önəmli idi. Futbolçularda özünə inamı gördük. Ancaq öyrənməli olduğumuz məqamlar var. Oyuna görə futbolçulara təşəkkür etdim".
