İtaliya çempionatının ilk beşliyinə namizəd olan “Komo”, şənbə günü autsayder “Fiorentina”nı qəbul edib.
Florensiyalılar ilk hissənin ortalarında Nikolo Facolinin qolu ilə irəli çıxıblar. 54-cü dəqiqədə Moyze Kin penalti zərbəsini dəqiq yerinə yetirdikdən sonra qonaqlar fərqi ikiqat artırıblar. 77-ci dəqiqədə Fabiano Parizi avtoqol edib 1:2.
“Fiorentina” qələbəyə baxmayaraq hələ də sondan üçüncü, rəqibləri isə altıncı yerdədir.
